Kasal nina Kris Aquino at Robin Padilla, tinutukan ng sambayanan!

Mainit na sinubaybayan ng primetime TV viewers ang pinananabikang kasal nina Kris Aquino at Robin Padilla sa hit Kapamilya teleseryeng “Kailangan Ko’y Ikaw.” Patunay dito ang datos mula sa Kantar Media noong Martes (Pebrero 5) kung kailan humataw ang action-drama series nina Kris, Robin at Anne Curtis ng 20.3% national TV ratings, kumpara sa katapat nitong teleserye sa GMA na “Temptation of Wife” na nakakuha lamang ng 17.7%.

Bukod sa kasalan, tinutukan rin sa nasabing episode ang mainit na love scene nina Roxanne (Kris) at Bogs (Robin) na nag-honeymoon sa Boracay.

Mga Kabataan, Hinimok na Maglingkod sa Bayan sa Pinoy Media Congress ng ABS-CBN

Responsibilidad ng media ang maglingkod at magmahal sa bayan. Ito ang mensahe ng liderato ng ABS-CBN sa mga delegado ng “Pinoy Media Congress Year 8” (PMC), ang taunang media conference ng ABS-CBN para sa mga estudyante at guro ng komunikasyon sa buong Pilipinas.

Ngayong taon, higit sa 20 eksperto at aabot sa 700 estudyante at guro ang dumalo sa PMC, na ginanap noong Enero 31 sa ABS-CBN Studio 10 sa Quezon City at Pebrero 1 at 2 sa Trinity University of Asia.

Team Graduates at Team Bulilit, Maghaharap!

Magbabalik ang mga galing ng “Goin’ Bulilit” na sina Julia Montes, Kathryn Bernardo, Ella Cruz, Miles Ocampo, Sharlene San Pedro, Nash Aguas at iba pa upang makipag-tagisan sa current bulilits sa paghahatid ng katatawanan ngayong Linggo (February 10).

Abangan ang kanilang anniversary at birthday party gags at segments tulad ng “Sigaw Family The Next Generation”, “Ang Corny” at musical sa saliw ng pinaghalong kanta ng Hagibis at One Direction. Magtatambal naman muli sina Kiray at Hopia sa kanilang segment na “Ang Fairy” at magpapasiklaban sa isang nakakakiliting laro ang team graduates at team bulilit.

Kambal na katatakutan sa “Hiwaga”

Kambal ang katatakutang hatid ni Atom Araullo ngayong Biyernes (Feb 8) sa “Pinoy True Stories: Hiwaga” dahil aalamin niya ang kababalaghang bumabalot sa tinatawag na “kambal na bahay.”

Sa loob ng maraming taon, nagsilbing tahanan para kay Jolo at sa kanyang pamilya ang “kambal na bahay.” Ito ay binansagang kambal dahil ito ay dalawang magkaibang bahay na may parehong istruktura pagdating sa loob.

Vhong Navarro, insecure sa “It’s Showtime” co-host na si Billy Crawford?

Guest sa “Toda Max” ngayong Sabado (February 2) si Billy Crawford kung saan magtatagisan sila ni Vhong Navarro ng galing sa pagluluto at pagba-basketball para ma-impress si Angel Locsin.

Nang tanungin si Vhong kung may ganito bang kumpitensya sa kanilang dalawa ng “It’s Showtime” co-host, kanya itong agad na itinanggi. “Ay, wala pong ganoon dahil sa It’s Showtime, magkakapatid kami at magkakasangga. Wala pong kahit na anong inggit or insecurity,” ani Vhong.

Bagong OPM Hits Ibibida sa “Himig Handog P-Pop Love Songs”

Bilang bahagi ng engrandeng pagdiriwang ng 60 taon ng Philippine television, muling inilunsad ng ABS-CBN at Star Records ang pinakamalaking multimedia songwriting competition sa bansa, ang “Himig Handog” na ngayong 2013 ay may temang “P-Pop Love Songs: Mga Awit at Kwento ng Pusong Pilipino.”

Sa ikalimang taon ng “Himig Handog,” 2,500 original compositions ang natanggap galing sa mga Filipino composer sa iba’t ibang bahagi ng mundo. At mula sa libo-libong song entries na ito, 12 obra maestra ang napili bilang “Himig Handog P-Pop Love Songs” finalists kabilang ang “Alaala” nina Ma. Fe Mechenette Tianga, Melvin Huwervana, at Joel Jabot Jr. ng Iloilo; “Ano’ng Nangyari Sa Ating Dalawa” ni Jovinor Tan ng Malabon; “If You Ever Change Your Mind” ni Marion Aunor ng Makat Cityi; “Hanggang Wakas” ni Soc Villanueva ng Australia; “Kahit Na” ni Julius James de Belen ng Quezon City; “Nasa Iyo Na Ang Lahat” ni Jungee Marcelo ng Pasig City; “One Day” ni Agatha Obar Morallos ng Baguio City; “Pwede Bang Ako Na Lang Ulit” ni Jeffrey Cifra ng Cavite; “Sana’y Magbalik” ni Arman Alferez ng Caloocan; “Scared To Death” ni Domingo Rosco Jr. ng Bohol; “Tamang Panahon” ni Wynn Andrada ng Makat City; at “This Song Is For You” ni Jude Gitamondoc ng Cebu City.

Pagbubuntis ni Sarah Lahbati, halata na?

Tila ilang buwan na ang pagbubuntis ni Sarah Lahbati base sa promotional photo na inilabas ng Regal Films para sa pelikulang Seduction na pinagbibidahan niya kasama ang boyfriend na si Richard Gutierrez at Solenn Heussaff. Pero buntis nga ba o dahil lang sa damit na suot n’ya kaya nagmukhang buntis?

According to reports, umalis noong Lingo si Sarah kasama ang kanyang ina papuntang Switzerland. Iyon ay sa kabila ng mga demandang kinakaharap niya na isinampa ng GMA-7 at ng network executive na si Atty. Annette Gozon-Abrogar.