‘Muling Buksan Ang Puso’ full trailer

Ang Muling Buksan Ang Puso ay pinagbibidahan nina Julia Montes, Enchong Dee at Enrique Gil, sa ilalim ng direksiyon nina Nuel Naval and Manny Palo. Mapapanood na ito ngayong Hulyo sa Primetime Bida ng ABS-CBN.

Trailer:

‘Muling Buksan Ang Puso’ is ABS-CBN’s biggest drama offering for 2013

Bilang bahagi ng engrandeng pagdiriwang ng 60 taon ng telebisyon sa Pilipinas, mapapanood na ngayong Hulyo ang pinakamalaking teleserye ng taon, ang “Muling Buksan Ang Puso” na pinagbibidahan ng tatlo sa pinakabagong ‘Primetime Idols’ ng Kapamilya network–ang Teleserye Sweetheart na si Julia Montes, Versatile Actor na si Enchong Dee, at ang Next Ultimate Leading Man na si Enrique Gil.

Tampok sa “Muling Buksan Ang Puso” ang natatanging pagsasama-sama ng tatlong henerasyon ng ilan sa pinakamahuhusay na aktor sa bansa kabilang ang tatlong bagong ‘Primetime Idols’ ng ABS-CBN; ang mga de-kalibreng aktres na nagbabalik-Kapamilya na sina Agot Isidro at Cherie Gil, kasama ang mga magagaling na aktor na sina Daniel Fernando, Dominic Ochoa at Jestoni Alarcon; at ang mga batikang artista na sina Ms. Pilar Pilapil, na fresh from the success ng “Ina Kapatid Anak,” Dante Rivero, at ang nag-iisang Queen of Philippine Movies na si Ms. Susan Roces na may naiibang pagganap sa serye.

‘Got To Believe’ full trailer

Ang full trailer ng Got To Believe ay inilabas na ng ABS-CBN. Pinagbibidahan ang teleseryeng ito ng love team nina Kathryn Bernardo at Daniel Padilla (KathNiel), sa ilalim ng box-office director na si Cathy Garcia-Molina.

Magsisimulang umere ito ngayong Hulyo sa ABS-CBN Primetime Bida.

Most romantic teleserye nina Kathryn Bernardo and Daniel Padilla na ‘Got To Believe,’ mapapanood na ngayong July!

Balik-primetime TV ngayong darating na Hulyo dalawa sa pinakabagong ‘Primetime Idols’ ng ABS-CBN at reigning ‘Teen Queen and King’ ng Philippine showbiz na sina Kathryn Bernardo at Daniel Padilla sa pamamagitan ng most romantic TV series ng taon na “Got To Believe” na panibagong obra ng box-office director na si Cathy Garcia-Molina.

Matapos mahalin ng buong Pilipinas bilang sina Prinsesa Areeyah at Gino ng royal teleseryeng “Princess And I” at bilang sina Ivan at Patchot sa launching movie nila sa Star Cinema na “Must Be… Love,” patuloy na pakikiligin nina Kathryn at Daniel, na mas kilala na ngayon bilang ‘KathNiel,’ ang mga manonood. Sa panibagong kwentong pag-ibig na ibabahagi nila ngayon sa “Got To Believe,” gagampanan nila ang papel ng dalawang kabataang mula sa magkaibang mundo na magtatagpo sa hindi inaasahang pagkakataon. Si Daniel ay ang rich kid, spoiled ‘prince’ na si Joaquin at si Kathryn ay si Chichay, ang simple girl with big dreams.

‘Annaliza’ cast, nagpasaya ng mga bata sa Navotas

Isang thanksgiving outreach program ang idinaos kamakailan ng cast ng ABS-CBN top-rating family drama na Annaliza sa Barangay NBBS, Navotas City.

Pinangunahan ng rising teleserye princess na si Andrea Brillantes, kasama ang iba pang child stars ng soap na sina Kyline Alcantara, Jillian Aguila, John Vincent Servilla, Dale Baldillo, at Rein Tolentino, ang pamimigay ng school materials tulad ng textbooks sa mga bata roon.

Mga nasaklolohan sa bingit ng kamatayan, kukumustahin nina Maan at Dominic

Kukumustahin ng mga mamamahayag na sina Maan Macapagal at Dominic Almelor ang mga taong itinampok na sa “Pinoy True Stories: Saklolo” at nalampasan ang matinding trauma ng pagkakabundol, pagkakalunod, at pagkakadukot sa isang espesyal na episode bukas (Hulyo 3) sa ABS-CBN.

Noong Mayo, itinampok sa “Saklolo” ang kwento ng isang dalagang muntik nang mamatay mula sa pagkalunod sa Bakas River sa Norzagaray, Bulacan at kung paano sila nasagip. Kilala ang naturang ilog sa pagkakaroon ng maraming naitalang insidente ng pagkakalunod, ngunit ngayon, ano na kaya ang ginagawa ng mga taga-barangay sa lugar upang mas paigtingin pa ang pagbabantay sa mga gustong lumangoy rito?

Mr. and Miss Chinatown Philippines 2013, idineklara na!

Ang mga nagwagi sa pinakaunang Mr. and Miss Chinatown Philippines na ginanap sa Newport Performing Arts Theater, Resorts World Manila ay ipinakilala na sa grand coronation na nangyari noong ika-30 ng Hunyo, 2013. Ang dalawa ay napili maging mga kinatawan ng pagsasama ng dalawang kultura – ng Tsina at ng Pilipinas.

Ang titulo ng Mr. Chinatown Philippines 2013 at Ambassador of Good Will ay napunta kay Randy See. Samantala, ang Miss Chinatown at Ambassadress of Good Will ay napunta naman kay Rolini Lim Pineda.