Hitik sa mga litrato nina Dingdong Dantes at nobyang si Marian Rivera ang unang StarStudio solo cover ng Metro Manila Film Festival Best Actor Awardee.
Ikukuwento ni Dingdong ang mga di-malilimutang pangyayari sa kanyang buhay sa pamamagitan ng exclusive photographs mula sa kanyang trips kasama si Marian sa Barcelona, Spain, Angkor Wat, at Amanpulo, Palawan.
Matapos mapabilib ang buong bansa sa kanyang kakaibang ‘bigorot’ finale dish, sasabak naman sa kakaibang gisahan sa “The Bottomline With Boy Abunda” ngayong Sabado (Marso 2) ang kauna-unahang grand winner ng “MasterChef Pinoy Edition” na si JR Royol.
Sa “Bottomline” ay ibabahagi ni Chef JR ang mga pagsubok na kanyang pinagdaanan bago narating ang tugatog ng tagumpay. Naging balakid nga ba sa kanyang kabataan ang pagiging isang Igorot? Paano binago ng “MasterChef Pinoy Edition” ang kanyang buhay? Sa kabila ng kanyang tinatamasang tagumpay, ano ang mga bagay na pinagsisihan ni JR na kanyang nais ayusin?
Bilang taos-pusong pasasalamat sa lahat ng Filipino viewers worldwide na tumatangkilik sa no.1 daytime kilig-serye ng ABS-CBN na “Be Careful With My Heart,” excited nang lumipad sina Maya (Jodi Sta. Maria), Sir Chief (Richard), at kanilang mga pamilya sa iba’t ibang panig ng mundo upang magsabog ng good vibes sa “Be Careful With My Heart World Tour” na magsisimula na ngayong Marso.
Ang pinananabikang world tour ng buong cast ng “Be Careful With My Heart” ay dadayo sa Middle East sa Marso; USA at Canada sa Mayo; Europe sa Agosto; at Japan sa Nobyembre.
Pagkalipas ng apat na taon, magbabalik bilang covergirl ng Chalk Magazine ngayong Marso ang aktres na si Maja Salvador kung saan magbibigay siya ng saloobin tungkol sa kanyang career at pamilya.
Sa panayam sa kanya ni Toff de Venecia ng Chalk, ibubuhos ni Maja ang kanyang pasasalamat sa management na nagbigay sa kanya ng pagkakataon na maging isa sa tinitingalang artista ng kanyang henerasyon.
Panalo ang awiting “Ano’ng Nangyari Sa Ating Dalawa” na isinulat ni Jovinor Tan at inawit ni Aiza Seguerra sa pinakamalaking multimedia songwriting competition sa bansa, ang “Himig Handog” na may temang “Pinoy Pop (P-POP) Love Songs: Mga Awit at Kwento ng Pusong Pilipino” mula sa ABS-CBN at Star Records.
Ginanap kagabi ang mala-concert na finals night sa SM MOA Arena kung saan inawit ng 11 iba pang Kapamilya artists ang mga komposisyong napili para sa kumpetisyon. Kabilang sa mga nanalo ang mga sumusunod: 2nd place para sa “Hanggang Wakas” ni Soc Villanueva na inawit ni Juris Fernandez; 3rd place para sa “If You Ever Change Your Mind” na inawit at isinulat ni Marion Aunor; 4th place para sa “Scared to Death” ni Domingo Rosco Jr. na inawit ni KZ Tandingan; at 5th place para sa “Kahit Na” ni Julius James de Belen na inawit ni Toni Gonzaga.
Bilang doube celebration ng kanyang 42nd birthday at 18th year bilang Kapamilya sa ABS-CBN, buong-pusong inihahandog ng Queen of All Media na si Kris Aquino sa kanyang fans ang “Love, Love, Love ni Kris,” ang engrandeng two-day gift-giving event na gaganapin ngayong Lunes at Martes (Pebrero 25 at 26) sa hit Kapamilya morning show na “Kris TV.”
Nakatakdang lumikha ng kasaysayan sa Philippine television ang “Kris TV” dahil sa dami ng magarbong regalo para sa 60 deserving winners na may mga nakai-inspire na kwentong buhay. Apatnapu’t dalawang TV viewers, na nagre-represent ng 42nd birthday ni Kris, ang masusing pinili sa pamamagitan ng Twitter ang may pagkakataong manalo ng halos 100 personal favorites ni Kris kabilang na ang ilang beauty products, pagkain, appliances, at latest fashion staples. Samantala, 18 loyal “Kris TV” supporters naman, na sumisimbolo sa 18 years ni Kris sa ABS-CBN, ang mag-e-enjoy sa mga natatanging handog ng mga espesyal na kaibigan ni Kris kabilang ang bonggang shopping spree, luxury bag, hottest gadgets, at luxurious trips sa ilan sa hottest summer destinations sa bansa.
Posts
All Comments
