Tunay na dahilan ng pagpapakamatay ni UP Manila student Kristel Tejada, tatalakayin sa ‘Bottomline’

Sa gitna ng dumadaming kaso ng pagpapakamatay sa Pilipinas, ibabahagi sa “The Bottomline With Boy Abunda” ngayong Sabado (Hunyo 8) ang saloobin at pananaw ng mga magulang ng University of the Philippines Manila student at suicide victim na si Kristel Tejada na sina Christopher at Blesilda.

Sino nga ba ang kanilang sinisisi sa pagkamatay ng kanilang anak? Paano nga ba binago ng trahedyang sinapit nito ang buhay ng kanilang pamilya? Matapos ang halos tatlong buwan, kailan nga ba masasabi nina Christopher at Blesilda na nakamit na nila ang hustisya para kay Kristel?

Makialam sa mga isyung panlipunan at huwag palampasin ang 2013 USTv Awards Best Public Affairs Talk Show na “The Bottomline With Boy Abunda” ngayong Sabado, 11:30 ng gabi, pagkatapos ng “Banana Split.” Para sa karagdagang updates, mag-log on lamang sa www.abs-cbn.com o sundan ang @abscbndotcom sa Twitter.