Goin’ Bulilit kids, nasa ilalim ng tulay

Ang mga paboritong bulilit ay napunta sa mga sulok ng Metro Manila, pati na rin sa ilalim ng tulay sa “Goin’ Bulilit” na mapapanood sa darating na Linggo (Hulyo 7)—pero handa pa rin nila ang masayang tawanan at kakulitan para sa buong pamilya.

Panoorin ang mga gag at sketch, pati na rin ang mga monologue na “Pro-lubi” ng mga bata para sa isang ibang klaseng komedya mula sa kalye.

Kakanta at sasayaw din sila sa sikat na “Karakaraka” ni Vice Ganda, at mayroon pa silang sariling bersyon ng “Ang Panday”.

Huwag palampasin ang “Goin’ Bulilit” ngayong Linggo (Hulyo 7), na mapapanood sa ABS-CBN Channel 2 pagkatapos ng “TV Patrol Weekend”.