Yeng Constantino, sunud-sunod ang blessings!

Back-to-back success ang nasungkit kamakailan ng Pop Rock Princess na si Yeng Constantino matapos siyang parangalan bilang Favorite Female Artist ng MYX Music Awards 2013 at mamayagpag ng latest album niyang “Metamorphosis” bilang isa sa overall (foreign and local) best-selling albums sa Pilipinas base sa nationwide sales reports ng Astroplus/Astrovision mula Marso 11 hanggang 17.

“Sobrang pong saya ko sa mga natatanggap kong blessings! Astig talaga! Ang galing,” pahayag ni award-winning singer. “Salamat sa Panginoon at dedicated itong lahat sa Kanya. Mabuhay ang OPM!”

Sa ilalim ng produksyon ng Pinoy rock icon na si Raimund Marasigan, ang “Metamorphosis” ay 10-track all-original album na nagtatampok sa siyam ng komposisyon ni Yeng kabilang ang “Hahanapin Kita,” “Josephine,” “Messiah,” “Pasensya Na,” “Sana ‘Di Pa Huli,” “Teleserye,” “Pag-ibig,” “Sandata,” at ang carrier single na “B.A.B.A.Y.” Samantala, ang kantang “Chinito” na isinulat ng kaibigan ni Yeng na si Jed Dumawal ang second single ng album.

Hatid ng Star Records, ang “Metamorphosis” album ay mabibili na sa record bars sa buong bansa sa halagang P299 lamang. Ang digital tracks ng album ay maaari nang i-download sa www.mymusicstore.com.ph at iTunes.

Para sa karagdagang impormasyon tungkol sa about “Metamorphosis,” bisitahin ang Facebook fanpage ng Star Records nawww.facebook.com/starrecordsphil o i-follow ang @starrecordsph sa Twitter.